नेपाल सरकारको सचिव भनेको सरकार तथा मन्त्रिपरिषद्बाट भए गरेका कतिपय निर्णयहरु कार्यान्वयन गराउने जिम्मेवार प्राप्त कर्मचारी हो । तिनै कर्मचारी जेनजी सरकारको बलमा बनेको मन्त्रिपरिषद्को निर्णयविरुद्ध उत्रिएपछि मन्त्रीले हप्काएका छन् ।
बिज्ञापन
पूर्वमन्त्री प्रकाशमान सिंहले रोजेर लगेका र उनी र उनका स्वकीय यूपी लामिछानेका इच्छा अनुसार एक लाखदेखि करोडौंका टुक्रे योजनामा बजेट राखेर आलोचित भएका उनै सचिव गोपाल सिग्देल शहरीको बजेट काटिएपछि बैठकमा तीतो पोखेका हुन । चालु आर्थिक बर्षमा शहरी विकास मन्त्रालयको बजेट २७ प्रतिशतले बढाएर १ खर्ब १८ अर्ब ३४ करोड ४४ लाख रुपैयाँ पुर्याइएको थियो ।
बिज्ञापन
तर रामेश्वर खनालले अर्थमन्त्रीको जिम्मेवारी सम्हालेसँगै सबैभन्दा बढी बजेट सोही मन्त्रालय अर्थात शहरी विकासको ६३ अर्ब ९६ करोड २५ लाख कटौतीमा परेको थियो । विकासे मन्त्रालय मानिएको भौतिकको १९ अर्ब १२ करोड ८९ लाख ३५ हजार,खानेपानी १३ अर्ब ९५ करोड ५३ लाख बजेट कटौतीमा परेको थियो । असोज ६ को मन्त्रिपरिषद् बैठकले पनि केही आयोजनाको बजेट कटौति गर्ने निर्णय गरेको थियो । सोही निर्णयअनुसार सरकारले विभिन्न करिब एक दर्जन विकासे मन्त्रालय अन्तर्गतका आयोजनाको १ खर्ब १४ अर्ब १० करोड बजेट कटौतीमा परेको थियो । सरकारले सोही बजेट कटौती गरेको झण्डै दुई महिना पछि आयोजित एक बैठकमा सचिव गोपाल सिग्देलले तीतो पोखेका हुन ।
हिजो प्रकाशनमानका बुवादेखि आमाका नाममा दर्जनौं टुक्रे योजानमा १ लाखदेखि ३ करोडसम्म बजेट खन्याइएको थियो । रामेश्वरले शहरीका ६१ अर्ब ७६ करोड रुपैयाँबराबरको २ हजार १ सय खुद्रे योजनाको बजेट रोक्का गरिदिएकै कारण सरकार,अर्थमन्त्री रामेश्वर खनालको गतिविधिप्रति तीतो पोखेका थिए शहरी सचिव गोपाल सिग्देलले । यो घटना हो गत २८ कार्तिकको । अर्थ मन्त्रालयले चालु आर्थिक वर्ष २०८२/८३ मा प्राथमिकताका साथ कार्यान्वयनमा ल्याउने भनिएको २ सय वटा नयाँ झोलुङगे पुल निर्माण गर्ने, १ सय वटा झोलुङगे पुलको मर्मत सम्भार गर्ने, ४० वटा नयाँ सडक पुल निर्माण गर्ने, ३० वटा सडक पुल निर्माण गर्ने, २४९ वटा सिंचाई आयोजना सम्पन्न गरी ३ हजार ७ सय हेक्टर जमिनमा सिंचाई सुविधा उपलब्ध गराउने कार्यक्रम रोक्कामा गरेको थियो । असोज ५ गते बसेको मन्त्रिपरिषद् बैठकले खर्च कटौती गर्न तीन करोड रुपैयाँसम्मका टुक्रे आयोजनाहरू रोक्का गर्ने निर्णय गरेको थियो । खर्च कटौतीअन्तर्गत अर्थ मन्त्रालयले विभिन्न मन्त्रालयहरूबाट १ खर्ब २० अर्ब बजेट रोक्का हुँदा सबैभन्दा धेरै सहरी विकास मन्त्रालयको सबैभन्दा बढी २ हजार १ सय खुद्रे योजनाको ६१ अर्ब ७६ करोड बजेट रोक्का भएसँगै सचिवले उक्त बैठकमा असन्तृष्टि पोखेका थिए ।
बिज्ञापन
सो दिन आयोजित चालु आर्थिक वर्ष २०८२/०८३ को नीति तथा कार्यक्रम र बजेट कार्यान्वयनबारे आयोजित बैठक राखिएको थियो । प्रधानमन्त्री,मन्त्रीहरु,मुख्य सचिवसहित सचिवहरु सम्मिलित बैठकमा यही तीतो पोख्दा मन्त्री रामेश्वर खनाल र सचिव सिग्देलबीच केहीबेर नोकझोक चलेको हो ।
‘नेताहरुले जस्तासुकै आयोजना अगाडि बढाए पनि सचिवहरुको काम आँखा चिम्लिने ? कार्यकर्ता रिझाउनका लागि राखिएका योजना स्थगन गर्दा खुशी हुनुपर्नेमा उल्टो दुःख मनाउ गर्दै सरकारविरुद्ध उत्रने ?’भन्दै मन्त्रीले हकारे पछि आफूले मन्त्रिपरिषद्को निर्णयको विरोध नगरेको भन्दै स्पष्ट पार्न खोजेका थिए । उनले अर्थबाट बजेट कटौती हुँदा शहरीको भौतिक प्रगति देखिन नसकेको भन्दै आफ्नो भनाइ राखेका थिए ।
शहरी सचिवको जिम्मेवारीमा रहेका सिग्देललाई कुन हदसम्म पेलिएको छ भने एकातिर तजबिजीमा हालिएको अर्बाै बजेट अर्थले कैची चलाइदिएको छ । अर्काेतिर उपप्रधानसहित शहरी विकास मन्त्री हुँदा प्रकाशनमान सिंह र उनका स्वकीय यूपि लामिछानेले अधिकांश कमाउ कार्यालय र ठूला बजेट भएका कार्यालयमा छानी छानी नेवार समुदायका सहसचिवहरुलाई नियुक्त गरिएकोमा हालैमात्र कुलमान घिसिङले ती सहसचिवहरुलाई तितर वितर पारिसकेका छन् ।
